قصيدة في زينة العباد

من طرف زائر في 15/3/2008, 10:00

[center]<hr style="COLOR: #fff1d4" SIZE=1>

يا مصيبة .. خلفت بيك المواجع
يا مصيبه .. صبت عليهه المدامع
عصرة ضلوع الزجية .. لو مصاب الغاضرية

يل يومك عظيم وما مثل يومه
تنوح عليك هاي الشيعه مهظومه
علينه الآه والاحزان مرسومه
ونبجي عليك اجينه ابروح مالومه

يا مصيبة .. سيدي الجرحة فؤادك
يا مصيبة .. وراية العز بجهادك
جبدك بهاي المسية .. لو مصاب الغاضرية
خلفت بيك المواجع

حكهه عليك لو صبت دمعهه العين
يا نسل النبوة وعترة الطيبين
طاح حسين بالطف وانته صرت حسين
وشلت حمل الامامه وحافظت عالدين

يا مصيبه .. الصبت عيونك عليهه
يا مصيبه .. مهجتك مجويه بيهه
زينب الراحت سبية .. لو مصاب الغاضرية

عن الطف نسئلك والكلب مجروح
عفه بياعين من شفت السبط مذبوح
وشفت شلون عمك عالنهر مطروح
بيا عين الشفتهم سيدي بيا روح

يا مصيبه .. سيدي لو ردنه نسئل
يا مصيبه .. كلبك عليهه تحمل
وحملتهن جم رزية .. لو مصاب الغاضرية

عكب ذاك المصاب ولوعة العاشر
عشت مهظوم والحاكم دعي وفاجر
ودس السم الك يا سيدي الغادر
ومثل جبد الحسن جبدك يبو الباقر

يا مصيبه .. صبت عليك المصايب
يا مصيبه .. وانته كل عمرك نوايب
شحملت من جور امية .. لو مصاب الغاضرية

يبو الباقر اجينه بلهفه ونسئلك
يمن هالكون ما شاهد صلب مثلك
يالعشت المصايب ماشيه بظلك
عن طفله نسئلك ظلت من اهلك

يا مصيبه .. خربت الشام وهظمهه
يا مصيبه .. لوعة العيله وألمهه
بحسرة ولوعة رقية .. لو مصاب الغاضرية

منقول

[/center]

**Admin** · من طرف **Admin** في 15/3/2008, 10:05

يا مصيبة .. خلفت بيك المواجع
يا مصيبه .. صبت عليهه المدامع
عصرة ضلوع الزجية .. لو مصاب الغاضرية

وا و قصيده رائعه

شاعره صغيرونه · من طرف شاعره صغيرونه في 15/3/2008, 23:33

كم نتالم لمصابها
وكم يالمنا المسمار الذي سكن اضلاعها
السلام عليك ساسدتي يافاطمة الزهراء

مشكوره الغاليه ع القصيده ونتريا جديدك

قصيدة في زينة العباد

قصيدة في زينة العباد

رد: قصيدة في زينة العباد

رد: قصيدة في زينة العباد